اليوم الأول: بيستقبلك مندوبنا في المطار بلوحة عليها اسمك وبيساعدك في أي اجراء تحتاجه سواء تحويل العملة او تفعيل الانترنت أو أي شي وبعدها تطلعون للفندق.

اليوم الثاني: رحلة الجنوب – تبدأ جولتنا في ١٠:٠٠ صباحا بياخذك السواق لمنتزه الوادي الملون فيه أنشطة كثير مثل ( جولة على الدبابات في الطبيعة والزيب لاين اللي هو الحبل المعلق والجسر النيبالي والصيد وغيرها )

بعدها بنروح لمطل البحر الهائج رهيب وتشوف فيه الأمواج العالية بيحبونه عشاق التصوير

اليوم الثالث: رحلة الجنوب الغربي – تبدأ جولتنا في ١٠:٠٠ صباحا بنروح لاماكن طبيعية رهيبة مثل البركان الخامد – وشلال الكسندرا – وبعدها لمطل علي خوانق النهر الأسود – وزيارة ارض السبع ألوان وشلال شماريل – وبعدها بنروح للبيت الخيالي المقلوب

اليوم الرابع: رحلة منتزة كازيلا اليوم بنطلع لمنتزة كازيلا فيه أنشطة كثير مثل جولة في أقفاص الطيور والزحليقة الصيفية المشهورة وبعدها تأخذ جولة في سيارة سفاري كبيرة تتمشى فيها بالطبيعة لمشاهدة الحيوانات ببيئتها الطبيعية، واللي قلبه قوي عندهم نشاط المشي مع الأسود وتقدر تصور معاه

اليوم الخامس: رحلة في الجنوب – تبدأ جولتنا في ١٠ صباحاً بنروح لمزارع الشاي وناخذ جولة في البحيرة اللي هناك وبعدها بنروح لمصنع الشاي وتقدر تجرب عندهم جميع أنواع الشاي وبنكهات مختلفة وعندهم متجر تقدر تشتري منه النكهات اللي عجبتك، وبعدها بنروح لحديقة التماسيح.

اليوم السادس: : رحلة الشمال – تبدأ جولتنا في ١٠:٠٠ صباح بنروح الى حديقة النباتات الطبيعية وبعدها بنطلع للشاطئ السياحي كاب مالوغو فيه بعض الأنشطة البحرية وبعدها بنروح لمول لاكروزيت تسوق وتتقهوى وتروق وأنصحكم تتقهون في مقهى بول

اليوم السابع: رحلة العاصمة والتسوق – تبدأ جولتنا في ١٠:٠٠ صباحاً بنروح لقلب العاصة ونشوف الموريشيين المحليين ونزور مجمع الواجهة البحرية كودان – وبعدها بنطلع للسوق الشعبي – وقلعة سيتاديل – وبعدها بنطلع لاكبر مول في موريشيوس مول باغاتيل وانصحكم تتقهون في لوكس كافيه رهييبه قهوتهم

اليوم الثامن: اخر يوم تسجيل الخروج من الفندق ونطلع الى المطار للعودة للوطن